【澳洲墨爾本自由行攻略2024】11日10夜必去景點、自駕遊行程及活動推介 Mornington有得浸溫泉?

墨爾本自由行, 墨爾本tour, 墨爾本必去活動
優惠尚餘
00
00
小時
00
分鍾
00

澳洲墨爾本自由行11日10夜分享

大家好呀!今次小編想分享下岩岩喺聖誕節去完墨爾本自由行去咗嘅地方同必去活動。今次總共去左11日10夜,成個行程除咗喺墨爾本市中心之外,仲去左3日自駕遊,渣左1500km,最後join左兩個Day Tour去埋Puffing Billy同睇小企鵝就番香港喇!今次旅程相當完滿,想知多啲就繼續睇落去啦!

預訂行程

今次小編就喺Trip.com買機票+酒店Package,貪佢平少少同一次過book哂唔洗煩。

未用過Trip.com? 可以用小編嘅獨家好友邀請連結拎 HK$80 酒店優惠代碼啦 !

👉立即註冊Trip.com👈

計劃行程

小編平時去旅行主要喺用Google Map開個新嘅List嚟Save低啲地點,例如:機場,酒店,餐廳等...

另一個用Google Map嘅原因係佢嘅評論相對中肯,因為比起其他平台少廣告。

澳洲旅行前準備

1. 澳洲簽證 ETA

去澳洲前唔好唔記得用電話下載澳洲簽證 ETA App 申請電子簽證呀。

簽證有效期:12個月

每次最多可逗留:3個月

出入境次數限制:無限

費用:AUD20

簽證處理時間:即時

下載連結: AustralianETA - iOS / AustralianETA - Android

2. 香港及墨爾本機場交通

你平時去機場喺搭開機場快線嘅話,就可以喺Klook買左機場快線優惠車票先。另外,如果你係住喺墨爾本CBD嘅話可以買埋SkyBus車票,到時就可以一到就直按上車慳番啲時間啦!

如果你會買埋其他活動門票嘅話就可以買墨爾本景點通票,一次過包哂幾個活動,平過逐個逐個買。

裡面會包埋一啲熱門活動例如:Puffing Billy, Great Ocean Road, 企鵝遊行等。

Klook.com

3. 澳洲Sim Card

另外去之前我都有買埋Sim Card,本身有諗過去到澳洲先買,不過最後決定Plan個Trip個彈買埋,慳番啲時間。

小編依排仲搵到個Sim Card比較網站(個人分享,非廣告),大家都可去比較下邊張岩你地。

網站連結: https://shop.findplanking.com/

Klook.com

4. 旅遊保險

小編平時去旅行之前都會買埋旅遊保險,因為試話有一次去泰國住AirBnB嘅Apartment半夜番到去全屋水浸,浸到個Gip同裡面啲野都濕晒,個次無買到旅遊保險所以要硬食。從此之後,我每次都會買旅遊保險,起碼有咩事都有得賠啲無咁傷,特別今次會去Road Trip同有戶外活動。

墨爾本之旅Day 1正式開始 

小編今次將行程分左3 Part,頭幾日係CBD行下同購物,中段係Road Trip,最後就係Day Tour。

首先,小編一到埗坐Skybus去到Southern Cross落車,之後拖篋行去我地今次坐嘅酒店Voco Melbourne Central。住咗幾日先發現原來依間酒店喺正最市中心嘅位,相當方便,一落去就大把野食,仲開到1,2點。唔想出街仲可以用外賣App叫外賣。講下今次嘅住宿體驗啦,職員服務態度可以話係超好,房間可能係市中心所以細少少,但整體住得相當舒服,裝修風格比較新所以一啲恐怖嘅感覺都無。早餐方面都唔錯,算係多野食同個環境幾好,佢仲係IHG Reward旗下嘅酒店,小編下次再去都好大可能會再住番依間。今次無點影到房入面嘅相,不過下面係小編房間望出去嘅景同酒店嘅Promo Video。

Voco Melbourne Central
酒店景觀

之後小編就去咗必去嘅State Library Victoria睇下,個建築的確係好宏偉,而且係Free Entry架。

State Library Victoria

由於第一日落機無乜點Plan行程所以之後就周圍行,經過左National Gallery of Victoria就入去睇下。裡面有啲Installation Art,畫同其他藝術品。如果你對依啲有興趣嘅話不妨入去睇下,同State Library Victoria一樣都係Free Entry架。

之後小編就去咗一間叫Society嘅餐廳Fine Dining去興趣依個喺平安夜嘅Day 1,之後就番咗哂店休息喇。

墨爾本之旅Day 2

由於依一日係聖誕節嘅關係好多景店都無開,所以我地食完Lunch就喺市中心周圍行下,去左Royal Botanic Gardens Victoria行下。享受一下大草地同漫步充滿花草樹木嘅公園同。 夜晚就再出左去睇聖誕燈飾,墨爾本嘅聖誕燈飾多數喺一啲投影。整體上尚算OK,同悉尼都仲係爭啲。之後唔想咁早返酒店就坐Tram去左St Kilda個邊行下。

St Kilda Beach

墨爾本之旅Day 3

Boxing day 一早我地去咗The Lume,一個類似Team Lab嘅藝術展。雖然佢比起Team Lab相對較細,但係實在好靚,裡面除左光影藝術之外,仲講咗一啲關於澳洲原住民嘅歷史。之後原本係諗住去DFO South Wharf Outlet買嘢嘅,最後太多人我地去咗CBD附近嘅一個區叫Fitzroy行下嘆吓咖啡。今次主要都係影Video,所以Upload唔到上嚟,你地可以睇下下面嘅官方Video。最後行完去番酒店附近買下嘢,特別係喺Chemist Warehouse買Supplment呀,平香港好多架!

https://www.youtube.com/watch?v=NO0u8yI9KOU

去到夜晚我地仲去左食韓燒,澳洲嘅越南菜,韓國菜都好好食,所以就算你有亞洲胃都絕對無問題呀!小編今次就同大家分享下我地試咗嘅兩間韓燒啦!推薦大家去試下。

Melbourne Hwaro Korean BBQ - Google Maps

Mansae Korean BBQ - CBD - Google Maps

墨爾本之旅Day 4 - Great Ocean Road

之後個幾日我地都租左車去Road Trip,今次渣依架Volvo比想像中好渣,喺高速公路上好靜,而且唔會好"鄧",搞到小編都心思思想換車。而家Klook都做埋租車,買開活動門票可以順便睇埋 - 租車連結

我地今次Road Trip嘅行程全長大約行左1500km,第一日去左Geelong同Great Ocean Road,第二日去左Mornington半島,第三日去左Grampians National Park。

喺澳洲渣車要特別小心,除左被影快相罰款比較多之外,仲會渣渣打有袋鼠跳出黎架,所以夜晚渣車要特別小心呀!

如果唔想渣車,你都可以Join Klook嘅Day Tour,雖然自由度無咁大,但係就可以唔洗渣車好好欣賞沿途景色。

Klook.com


第一日Great Ocean Road天氣唔係太好,有啲天陰同毛毛雨,係依個Trip唯一美中不足嘅地方。小編可能下次會再去多次。

墨爾本之旅Day 5 - Mornington半島

Road Trip嘅第二日我地渣咗去Mornington半島,因為個度近啲,唔洗渣咁遠,而且有酒庄同可以浸溫泉呀!以下喺小編第二日Road Trip嘅行程:

Cape Schanck LighthouseArthurs Seat > Tallarida Vineyard and Winery - Cellar Door > Morning Sun VineyardThe Alba Experience 溫泉

依個 The Alba Experience 真係幾正,佢個建築風格好有未來感,而且裡面好乾淨,有廿幾個冷熱水嘅溫泉去浸,而且我地個日買嘅係Night Owl Package,岩岩好睇到日落同有啲凍,浸番個熱溫泉真係岩哂呀!

Mornington半島一日遊同The Alba Experience 嘅門票可以喺以下Klook連結買到。

Klook.com

墨爾本之旅Day 6 - Grampians National Park

依一日係我個人最鐘意嘅一日,因為個日個天氣超好,坐喺懸崖睇日落叫做滿足左我人生嘅Checklist呀。而且喺瀑布睇到超明顯嘅彩虹,夜晚回程仲停低左睇星星,真係太夢幻喇!

Klook.com

墨爾本之旅Day 7

渣左三日長距離後,依一日決定休息下,一朝早去左 Chadstone - The Fashion Capital 依個商場買下野同食Lunch,之後去左Black Spur Drive度遊車河。最後番左去市中心一間叫Farmer's Daughter嘅餐廳食,強列建議大家去呀,啲野食超Fresh超好食呀!

一定要試吓佢個麵包,超香麥。 一定要試吓佢個麵包,超香麥味同超軟熟

墨爾本之旅Day 8

依一日係除夕,我地朝早去咗還車。然後去左The Lune度上下個個都話要去食嘅牛角包,但係真係有啲失望呀,味道同口感最多都只係算普通,唔值得排一個鐘隊去食。之後我地就去左行Queen's Victoria Market食吓嘢。夜晚最後去左Dockland個邊睇跨年煙花。

強烈向大家推介Market Lane Coffee - 可以話係我依個Trip飲過最好飲嘅咖啡呀!

墨爾本之旅Day 9

最後兩日就分別Join左Philip Island嘅Penguin Parade同Puffing Biliy Day Tour,因為上網嘅門票遲咗買所以被買哂,只好Join Tour啦。提提大家Penguin Parade係無得影相架,因為怕嚇親啲小企鵝,但係佢會被個QR Code你Download番啲相。佢地真係超細隻呀,真係比起平時啲樽裝飲品高少少架咋。

行程: Brighton Bathing Boxes > Moonlit Sanctuary Wildlife Conservation Park > Nobbies Centre (home of the Antarctic Journey) > Penguin Parade

Klook.com

墨爾本之旅Day 10 (Last Day)

依一日玩埋Puffing Billy 同睇埋小動物就番香港喇

Klook.com

小編一路寫個Blog都好掛住澳洲呀,希望依篇分享幫到你地啦!記得要Share HK Deals & Steals俾朋友同多啲留意我地有咩最新嘅網購/信用卡優惠喺!

相關優惠
優惠碼:
複製
⚠️提提你:申請完成後記得7日內填寫發送到Email嘅獎賞換領表格先拎到本網額外獎賞架
領取優惠立即申請